ಗೆಳತಿ,

ಪುಟ್ಟದೊಂದು ಅರಮನೆ ಕಟ್ಟಿ, ರಾಜ ರಾಣಿ ಹಾಗಿರುವುದು ನನ್ನ ಕನಸಲ್ಲ,

ಊರೂರು ಸುತ್ತಬೇಕು ನಿನ್ನ ಜೊತೆ, ಗೊತ್ತು ಗುರಿಯಿರದ ಅಲೆಮಾರಿಯಂತೆ.

ಇಂದು ಈ ಊರು , ನಾಳೆ ಆ ಊರು, ನಾಡಿದ್ದು ಎಲ್ಲಿಗೋ ಯಾರಿಗೊತ್ತು

ಸಮಯಕ್ಕೆ ಬಸ್ಸು ಬಾರದೆ, ರಾತ್ರಿಯೆಲ್ಲ ರಸ್ತೆಯಲಿ ಕುಂತಾಗ, ಸ್ವಲ್ಪ ಜಗಳ ಸ್ವಲ್ಪ ನಿದ್ದೆ , ಹಾ ಸ್ವಲ್ಪ .. ಇಲ್ಲಾ ಜಾಸ್ತಿನೇ ಗಂಭೀರ ಚಿಂತನೆ.

ಭಾಷೆ ಬಾರದ ಬೀದಿಯಲಿ, ಮಿಕ್ಕೆಲ್ಲ ಭಾಷೆಗಳ ಮೇಳೈಸಿ ಮಾತಾಡಿ , ಹೇಗೋ ಸಂಭಾಳಿಸೋಣ

ಕಣ್ಣಿಗೆ ಕಂಡ ತಿಂಡಿ ತಿನಿಸುಗಳ ಹೆಸರು ಕೇಳದೆ ತಿನ್ನೋಣ