ಅಂಕು ಡೊಂಕಾದ ಹಾದಿಯಲಿ,
ಮಳೆಗಾಲದಲ್ಲೊಂದು ತೊರೆ ಹುಟ್ಟಿ,
ಹರಿವ ನೀರಿಗೆ ಕಲ್ಲು ಮಣ್ಣಿನ ಒಡ್ಡು ಕಟ್ಟಿ,
ಹಳೆಯ ಪುಸ್ತಕದ ಹಾಳೆಯಲಿ ಹಡಗು ಮಾಡಿ - ಅದೂ ಗಂಡು ಹೆಣ್ಣಿನ ಜೋಡಿ !
ಅರ್ಧ ಮುಳುಗಿದ ಹಡಗಿಗೆ ಹೊರಲಾರದ ಭಾರ ಹೊರಿಸಿ
ಯಾವ ಸಮುದ್ರ ಯಾನಕ್ಕೂ ಕಡಿಮೆಯಲ್ಲ ನಮ್ಮ ಸಾಧನೆ

ಕಟ್ಟಿದ ಒಡ್ಡಿಗೊಂದು ಕಳ್ಳಗಿಂಡಿಯ ಕೊರೆದು,
ನೀರು ಹರಿಯಲೊಂದು ಕಾಲುವೆ, ಅಲ್ಲಲ್ಲಿ ಕವಲೊಡೆದ ಹರಿವಿನಿಂದಾದ ನಡುಗಡ್ಡೆ
ಬುಡ ಸಮೇತ ಕಿತ್ತು ತಂದು ನೆಟ್ಟ ಗಿಡಗಳು ನಡುಗಡ್ಡೆಯ ನೆತ್ತಿಯ ಮೇಲೆ !
ವ್ಯವಸಾಯ, ವ್ಯಾಪಾರ, ಮನೆ ಮಡದಿ ಮಕ್ಕಳು ;

ದಿನಕ್ಕೊಂದು ನಾಗರಿಕತೆಯ ಹುಟ್ಟು,